उपसंपादक – प्रशांत दाव्हाड
विक्रमगड – रोटरी क्लब ऑफ बॉम्बे एअरपोर्ट, रोटरी क्लब ऑफ बॉम्बे महाकाली हाईट्स अंधेरी, रोटरी क्लब ऑफ ब्रिजपोर्ट, इनर व्हील क्लब ऑफ बॉम्बे एअरपोर्ट, रोटरी क्लब ऑफ मुंबई एलिगंट, रोटरी कम्युनिटी कॉर्प्स – वाडा वीर, ए.पी.एस. सोशल वेलफेअर अँड युथ एम्पॉवरमेंट फाउंडेशन आणि रोटरी फाऊंडेशन यांच्या सहकार्याने मौजे आंबेघर (पाटीलपाडा), विक्रमगड येथे ४३ मीटर लांबीच्या बंधाऱ्याचे उद्घाटन नुकतेच संपन्न झाले. या उपक्रमामुळे पाणी व्यवस्थापन, शेतीला सिंचन सुविधा आणि पिण्याच्या पाण्याची उपलब्धता यामध्ये महत्त्वपूर्ण सुधारणा होईल.
कार्यक्रमास प्रमुख अतिथी म्हणून हरिश्चंद्र भोये (आमदार, विधानसभा विक्रमगड), दिपक जिंदानी (DGND), रोटरी क्लब ऑफ बॉम्बे एअरपोर्टचे अध्यक्ष अपूर्व पटेल, रोटरी क्लब ऑफ बॉम्बे महाकाली हाईट्सचे अध्यक्ष सुनील आनंद, रोटरी क्लब ऑफ मुंबई एलिगंटचे अध्यक्ष निधिका बहल, इनर व्हील क्लब ऑफ बॉम्बे एअरपोर्टच्या अध्यक्षा सौ. बिनाजी जरीवाला, डायरेक्टर राहुल पटेल, सुकेतु जरीवाला, सेक्रेटरी अमित शेट्टी आणि इतर मान्यवर उपस्थित होते.
कार्यक्रमाची सुरुवात सर्व पाहुण्यांच्या हस्ते बिरसा मुंडा आणि भारत माता यांच्या प्रतिमेचे पूजन करून करण्यात आली. ए.पी.एस. फाउंडेशनचे अध्यक्ष संदीप हडबाळ यांनी कार्यक्रमाची प्रस्तावना केली. अपूर्व पटेल आणि सुनील आनंद यांनी गावकऱ्यांना संबोधित करून या उपक्रमाचे महत्त्व स्पष्ट केले. आमदार हरिश्चंद्र भोये यांनी बंधाऱ्याच्या देखभालीसाठी आवश्यक सूचना दिल्या.
कार्यक्रमादरम्यान, संदीप हडबाळ, इंजिनियर सुरज भुसारा, जयेश कोरडा, सिद्धेश तुंबडा, तारपा वादक भिकल्या धिंडा आणि निवेदक अनिल पठारे यांना पाहुण्यांच्या हस्ते सन्मान चिन्ह देऊन सन्मानित करण्यात आले. त्यानंतर, सर्व पाहुण्यांच्या उपस्थितीत बंधाऱ्याचे उद्घाटन श्रीफळ फोडून करण्यात आले.
उद्घाटनानंतर, गावकऱ्यांनी तारपा नृत्यात सहभाग घेतला, ज्यामुळे कार्यक्रमात आनंदाचे वातावरण निर्माण झाले.या उपक्रमामुळे आंबेघर (पाटीलपाडा) गावातील पाणी व्यवस्थापनात सुधारणा होईल, ज्यामुळे शेतीला सिंचन सुविधा मिळेल आणि पिण्याच्या पाण्याची उपलब्धता वाढेल. रोटरी क्लब आणि त्यांच्या सहकार्याने केलेल्या या उपक्रमामुळे स्थानिक समुदायाच्या जीवनमानात महत्त्वपूर्ण बदल घडून येईल.कार्यक्रमाच्या शेवटी, सर्व उपस्थितांचे आभार मानून कार्यक्रमाची सांगता करण्यात आली.
